Табын құрастырушы бұқашықтарды азықтандыруда ноқат дәнін қолдану

Abstract

Қазіргі уақытта протеиннің баламалы көздерін табу өзекті мәселелердің бірі болып табылады. Осыған байланысты Волгоград облысы Палласов ауданының «Красный Октябрь» АӨК-асыл тұқымды зауыты жағдайында қазақтың ақбас тұқымды ремонтты бұқашықтарының рационында «Приво-1» сорты Волгоград селекциясы ноқат дәнін бұршақ дәнімен салыстырғанда азықты пайдалану тиімділігі бойынша зерттеулер жүргізілді. Азықтың химиялық құрамын, аминқышқылдық және минералдық көрсеткіштерін зерттеу нәтижелері бойынша «Приво-1» сортының ноқат дәні бұршақ дәнінен кем болмайтыны және де құрғақ зат бойынша - 1,03%, шикі протеин - 1,1%, шикі май - 1,15%, аминқышқылдарының мөлшері бойынша 2,02 % жоғары екені анықталды. Азықтағы бұршақты «Приво-1» сорты ноқат дәніне ауыстыру рациондағы қоректік заттарының сіңірілу деңгейінің жоғарлауына ықпал етті, сонымен қатар тірі салмақ массаның динамикасының өсуіне, орташа тәуліктік салмақ қосуға және салыстырмалы өсу жылдамдығы көрсеткіштеріне тікелей әсер етті.