Abstract:
Автор болашақ педагогтардың кәсіби құзыреттіліктерін дамытуға бағытталған деңгейлік тапсырмаларды құру мазмұнына сәйкес педагогикалық және психологиялық еңбектердегі «тапсырма» ұғымдық аппаратына терең зерттеу жүргізген. Оқу-танымдық тапсырманың құрылуы теориясын зерделей, дидактикада қалыптасқан дәстүрлі және жаңа түрлерінің ерекшеліктерін анықтаған. Олардың оқу үдерісінде қолдану бағыттары мен мүмкіндіктерін түсіндірген. Қазіргі жаңа білім беру моделдерімен үйлесімді ұштасқан деңгейлік тапсырманың құрылу үлгілерін «Оқушылардың бейіндік оқытуын ұйымдастыру» пәнінің оқу материалы мазмұнында ұсынған.
