Abstract:
Ғылыми жұмыста Salix babylonica L. өсімдігіндегі биологиялық белсенді заттардың
құрамы мен қасиеттерін зерттелді. Жұмыстың негізгі мақсаты – осы заттардың биохимиялық
рөлін, олардың фармакологиялық қасиетін және биологияда және онымен байланысты
салаларда қолдану мүмкіндіктерін анықтау. Эксперимент барысында Salix babylonica L. түрінің
құрамына кіретін флавоноидтар, таниндер, органикалық қосылыстар және B3, B5 және C
дәрумендері сияқты қосылыстарға жан-жақты талдау жүргізілді. Заттардың химиялық құрамы
мен функционалдық сипаттамаларын егжей-тегжейлі бағалау үшін талдаудың заманауи әдістері
қолданылды, бұл олардың табиғи терапевтік агент ретіндегі әлеуетті құндылығын анықтауға
мүмкіндік береді. Зерттелетін қосылыстардың антиоксидантты, қабынуға қарсы және
микроорганизмдерге қарсы қасиеттеріне ерекше назар аударылады. Адам денсаулығын
нығайтуға бағытталған табиғи препараттар мен өнімдерді жасау үшін өсімдік сығындыларын
пайдалану мүмкіндіктері талданды. Сонымен қатар, ауыл шаруашылығы мен экологиядағы
практикалық құндылығы, соның ішінде өсімдіктердің қолайсыз экологиялық жағдайларға
төзімділігі бағаланды. Нәтижелер осы өсімдіктегі заттардың биологиялық әсерлерінің алуан
түрлілігін көрсетеді, бұл оларды биологияда, медицинада және өнеркәсіпте қолдануға жаңа
мүмкіндіктер ашады. Жұмыс зерттелген өсімдіктің фитохимиялық және функционалдық
қасиеттерін терең түсінуге ықпал етеді, сонымен қатар оның ғылыми және практикалық
зерттеулердегі инновациялық тәсілдерді әзірлеудегі маңыздылығын негіздейді.
Description:
Талдың сығындыларының биологиялық белсенділігі (salix babylonica l.): эксперименттік және биохимиялық тәсілдер / Н. Н. Салыбекова, Б. Б. Тойжигитова, З. Амангелдқызы, А. Абусайыл, Г. Ә. Бабаева, А. Е. Сержанова. - Текст : непосредственный // Ғылым және білім=Наука и образование=Science and education. - 2024. - № 4-2 (77). Б. ІІ. - Б. 123-134 (Орал).
