АУЫЛ ШАРУАШЫЛЫҒЫ ЖАНУАРЛАРЫ ТУБЕРКУЛЕЗІНІҢ ДИАГНОСТИКАСЫ

Abstract

Зооантропоноздық аурулардың бірі - жануарлар туберкулезін ветеринариялық тәжірибеде зертханалық диагностикалаудың әдістері зерттелді. Зерттелетін сынамалардан туберкулез микобактериясын табу, жануарлар туберкулезін диагностикалаудағы негізгі белгілердің бірі. Жануарлар туберкулезін диагностикалау үшін иммунофлуоресценттік реакциясының сезімталдылығы, өзіне тәнділігі және белсенділігі зертханалық жануарларға тәжірибе қою арқылы және туберкулезден таза және таза емес шаруашылықтардағы жануарлардан алынған патматериалдарды зерттеу арқылы анықталды. ИФР тікелей әдісін жануарлар туберкулезін диагностикалауда және микобактериялардың өгіз түрін ажырату үшін жедел-әдіс ретінде қолдану мүмкіндігіне бағытталған зерттеулер жүргізілді. Микобактерияның уытты және атипті түрлерімен зарарланған жануарлардан алынған патматериал жағындыларында ИФР-ның белсенділігі мен өзіне тәнділігі басқа зертханалық әдістермен салыстырмалы түрде тексерілді. Нәтижесінде ИФР әдісі өзінің белсенділігі, сезімталдығы және диагностикалық құндылығы жағынан ветеринариялық тәжірибеде қолданылатын белгілі әдістерден кем түспейтіні анықталды. Бұл әдістің өзіне тәнділігінің жоғары болуы микобактерияның өгіз түріне қарсы алынған моноклонды антиденеге байланысты. Туберкулез қоздырғышының өгіз түрін патологиялық материалда анықтау үшін моноклонды антиденені қолдана отырып, иммунофлуоресценттік реакциясының тікелей әдісінің қойылу тәсілі дайындалды.