Жамбыл облысындағы

Abstract

Жануарларды мөлшерлеп азықтандыру өнімнің синтезі мен тіршілік қызметін дұрыс жүргізу үшін организмге қажетті көрсеткіштердің арқасында азықтандыру мөлшері негізінде іске асырылады. Өз тіршілік қызметін жүргізу үшін организмнің қажеттілігі өнім пайда болуына керекті көрсеткіштер қосылатын азықтандыруды қолдау нормалары арқылы жүргізіледі. Қойға керекті қоректік заттардың мөлшерін анықтау-қойдың тұқымына, жынысына, жасына, тірілей салмағына, өнімділігіне, саулықтың буаз-қысырлығына және сол шаруашылықтың негізгі бағытына байланысты болады. Қойды дұрыс азықтандыру мәселесінің маңызы өте зор болады. Дұрыс азықтандырылмаса, қойдың тіршілігін сақтау, олардан жүн, ет, сүт өнімдерін мол алу, буаз қойлардың іштегі төлін жақсы жетілдіру мүмкін болмайды. Қой тиісті норма бойынша жақсы азықтандырылса, берілген азық босқа ысырап болмайды. Азық нормасы дегеніміз- қойдың тіршілігін сақтап, одан тиісті өнім алу үшін жұмсалатын қоректік заттардың анық жасалған мөлшері болады. Азықтың қоректілігін азық бірлігімен есептелінеді.