Abstract:
Мақалада еліміздің батыс өңіріндегі ірі аграрлық-техникалық білім ордасы - Жәңгір хан атындағы Батыс Қазақстан аграрлық-техникалық университетінің қалыптасу және даму тарихы кешенді түрде зерттелген. Ауыл шаруашылық институтынан аграрлық университетке дейінгі қалыптасу кезеңіне талдау жасалды. Институттың құрылу жылдарындағы кадрларды қалыптастыру, студенттер контингентін толықтыру, оқу-материалдық базасын жасақтау, оқу-әдістемелік жұмыстарды жетілдіру бағытындағы алғашқы ректорлардың, кафедра меңгерушілерінің, оқытушылардың еңбектері тарихи деректер негізінде қарастырылды. Батыс Қазақстан ауыл шаруашылық институтының құрылу және қалыптасу кезеңі оқу орнының алғашқы тарихи кезеңі ретінде бағаланады. Институттың алғашқы құрылу тарихына қатысты адамдардың еңбектеріне үлкен тарихи баға беріледі.
