Abstract:
Мақалада электронды гаджеттерді қолдана отырып, білім алушылардың шет тілдік лексикалық дағдыларын қалыптастыру ерекшеліктері қарастырылады. Білім алушылар сабақта оқыту құралы ретінде әлеуметтік желілерді пайдаланады, білім алушылардың дербес қызметінде де пайдаланудың артықшылықтары мен мүмкіндіктері ашылады.Бұл ақпараттық-коммуникациялық технологиялардың (АКТ) әсерін және шет тілін үйрену кезінде білім беру процесінде онлайн-сервистерді қолданудың лексикалық дағдылар мен іскерліктер, сонымен қатар сөйлеу әрекетінің түрлерін дамытуға, сондай-ақ білім алушылардың тұлғааралық қатынастарына, эмоционалдылығына, шығармашылығына және дербестігіне әсерін зерттеуге байланысты. Оқытудың заманауи әдістемесінде шетел тілі сабақтарында ақпараттық-коммуникативтік технологияларды қолдану шет тілдерін үйренудің озық құралы болып табылады.Білім беру процесіне ақпараттық-коммуникативтік технологияларды енгізу сапалы оқу материалдарын ұсына отырып, оқыту мүмкіндіктерін кеңейтеді, сондай-ақ технологияларды қолдану арқылы оқу бағдарламасын жеңілдетеді. Цифрлық технологиялардың дамуы онлайн оқыту ресурстарын білім беру ортасына біріктіре отырып оқытуда көрініс тапты. Интернет ұсынатын мүмкіндіктермен оны білім беру жүйесінде қолдану сөзсіз болды. Quizlet-ті кеңінен қолдану және тәуліктің кез келген уақытында Интернетке қол жеткізу арқылы кез келген жерде білім алушылар мен оқытушыларға жан-жақты даму мүмкіндігін қамтамасыз етуге болады.
