Abstract:
Осы мақаланың өзектілігі білім беру үрдісінде ұлттық спорт түрлері арқылы жастардың салауатты өмір салты туралы білімдерін жаңғырту мәселесін зерттеу қажеттілігін анықтайды. Бұл арада осы мәселенің теориялық жағынан аз зерттелуі мен ғылыми-әдістемелік тұрғыдан талап етілетін деңгейде қамтамасыз етілмеуі арасында қайшылық бар екендігіне көз жеткізілді. Жүргізілген зерттеу барысында «салауатты өмір салты» ұғымы ұлттық спорт түрлері негізінде айқындалып, олардың бір-бірімен байланысы ғылыми түрле негізделіп, осы бағыттағы әлемдік мәдени озық идеялар жүйеленді. Денсаулықты қорғау және нығайту үшін маңызды ғылыми тұжырымдамалар мен нәтижелерді қолдану сипатталды. Зерттеу материалдары барлық кәсіби балалар білім беру мекемелерінде, жоғары және арнайы оқу орындарында, оқу-тәрбие үрдісінде, жалпы білім беретін мектептер мен мектептен тыс жұмыстарда және ата-аналармен жұмыста қолдануға болады. Зерттеудің мақсаты ұлттық спортқа негізделген жастардың салауатты өмір салты туралы білімдерін жаңартудың ұлттық әдістемелерін ғылыми түрде көрсету және тәжіриберлік түрде жүйелеу. Педагогикалық эксперимент үш кезеңде жүргізілді, эксперименттік тобына «МС-21»топ студенттері, бақылау тобына «ВТ-21» студенттері қатысты. Эксперимент 3 кезеңнен тұрды (анықтау эксперименті, қалыптастыру эксперименті, бақылау нәтижесінде тексере отырып қорытындылау эксперименті). Зерттеу нәтижесінде жалпы қорытынды жасалды. Негігі қорытынды: Ұлттық спорт түрлері арқылы жастардың салауатты өмірін қалыптастырудың мазмұндық-құрылым моделі жастардың көзқарасын байытып, олардың іс-әрекетінде әсемдік туғызуға мүмкіндік береді. Сонымен қатар, үлгілі жұмыстың нәтижесінде ұлттық құндылықтарды қастерлеп, қорғай білетін, салауатты өмір салтын ұстанатын тұлғаларды тәрбиелеу міндеті тұр.
