Abstract:
Жұмыстың негізгі мақсаты Қазақстан Республикасының ауыл шаруашылығын матеериалдық-техникалық базамен жарақтандырудың жай-күйі мен дамуының негізгі мәселелерін ашып көрсету, сондай-ақ оларды аграрлық ұйымдарда оны пайдалану түрлері мен мерзімдері бойынша ауыл шаруашылығы техникасы паркін талдау негізінде шешу жолдарын ұсыну болып табылады. Агроөнеркәсіптік кешенді техникалық жаңғыртудың ұйымдастырушылық-экономикалық тетігінің негізгі элементі ретінде ауылшаруашылық техникасы нарығын дамытудың негізгі бағыттары негізделген. 2017-2021 жылдарға арналған Қазақстан Республикасының агроөнеркәсіптік кешенін дамытудың мемлекеттік бағдарламасын іске асыру шеңберінде Қазақстан Республикасының астық шаруашылығын техникалық-технологиялық жаңғыртудың перспективалары негізделді. Мақала астық өндірісінің материалдық-техникалық базасының жай-күйін және оның астық өндірісінің тиімділігіне әсерін егжей-тегжейлі талдауға арналған. Мақалада ауылшаруашылық өндірісінің прогрессивті дамуының негізгі нәтижелері заманауи жоғары өнімді ауылшаруашылық техникаларын пайдаланбай мүмкін емес екендігі қарастырылады. Сондай-ақ, Қазақстан Республикасының астық шаруашылығын материалдық-техникалық базамен жарақтандырудың жай-күйі мен дамуының негізгі мәселелері ашылады, сондай-ақ оларды астық өндірісі мен техникалық қамтамасыз етуді дамытудың маңызды көрсеткіштері бойынша деректерге салыстырмалы талдау жүргізілді. Жүргізілген зерттеу негізінде соңғы жылдары елде техника мен жабдықтар паркі қысқарып, техника бірлігіне жүктеме артқаны анықталды. Жоғарыдағы мәселелерді шешу үшін ауылшаруашылық техникасын лизингке беруді дамыту, тиімді аймақтық және ұлттық бағдарламалар жасау арқылы астық өндірісін материалдық-техникалық базамен қайта жарақтандыру қажет деп тұжырымдалады. Сонымен қатар, материалдық-техникалық базаның амортизациялық тозуы мен оны астық шаруашылығы өндірісіндегі жаңарту мәселелеріне назар аударылады. Материалдық-техникалық базаны жаңғыртуды мемлекеттік ынталандыру тетігін жетілдіру жөнінде ұсыныстар берілді.
