Батыс Қазақстан облысы Теректі ауданы

Abstract

Қазақстан Республикасының аумағында ірі қара малдың гельминтоздары кең таралған және үлкен экономикалық зиян келтіреді. Эпизоотологияны зерттеу және ірі қара малдың гельминтоздарымен күресу шараларын әзірлеу үшін белгілі бір аймақта гельминттердің түр құрамы мен таралуы туралы ақпарат қажет. Батыс Қазақстан аумағында жүргізген зерттеулерімізге дейін ірі қара малда трематодтар, цестодтар және нематодтар класынан гельминттердің 35 түрі тіркелді. Жұмыстың мақсаты – Батыс Қазақстан облысы Теректі ауданы «Кутсиык» ауыл шаруашылығы кооперативінде ірі қара малдың гельминтофаунасын және ірі қара малдың негізгі гельминттерінің эпизоотологиясын зерттеу. Нәжіске гельминтоовоскопия күз мезгілінде «Кутсиык» ауыл шаруашылығы кооперативінде, ал қыс мезгілінде ветеринария және мал шаруашылығы институтының ветеринариялық зертханасында жүргізілді. Нәжістерді гельминто-овоскопиялау үшін микроскоптар, фарфор ерітінділері, пестильдер, пластикалық шыны аяқтар пайдаланылды. Ірі қара малдардағы кең тараған гельминтоздардың таралуын зерттеу үшін 92 ірі қарадан нәжіс үлгілеріне гельминтоовоскопия және ларвоскопиялық зерттеу жүргізілді. Осы зерттеулер негізінде ірі қара малдағы гельминттердің популяциясының құрылымы мен тығыздығын зерттедік.