Батыс Қазақстан облысының қуаң аймақтарының жайылымдарын орман мелиорациясы арқылы тиімділігін арттыру жолдары

Abstract

Құрғақ өңірлердегі жайылымдардағы ұзақ уақытқа созылған антропогендік салмақ, ауа-райы мен климаттық жағдайлардың тұрақсыздығы және қауіпті табиғи құбылыстардың жиі көрінуімен сипатталады, ол аймақ пен ұлттық экономиканың әртүрлі салаларына келтірілген залал апаты болып есептелінеді. Батыс Қазақстан обылысы аумағындағы шөлді, шөлейтті аймақтарының жайылым жерлерінде аталмыш көріністер бүгінгі күннің өзекті проблемаларының біріне айналып отыр. Белгілі бір аймақтарда орман өсіру потенциалын бағалау және пайдалану бойынша соңғы онжылдықтардағы ғылым жетістіктері мен практикалық тәжірибелерге сүйене отырып талдау жүргізілді, алқаптардың табиғи азықтылығын мен өнімділігін, тұрақтылығын қалпына келтіру және арттыру жөніндегі іс-шараларды жобалау үшін негіз ретінде Батыс Қазақстан облысының шөлді және шөлейтті аймақтарындағы жайылымдардың орманмелиоративті жіктелуін жетілдіру қажеттілігі негізделді. Орман мелиоративтік санаттары (ОМС) шегінде іс-шаралардың тиімділігін арттыру мақсатында жылдық жауын-шашын мөлшері 150мм-ден кем, 150-200мм-ден астам жайылымдардың кіші санаттарын бөлу ұсынылды, бұл тұқым-мелиоранттар ассортиментіндегі елеулі айырмашылықтарды, екпелер жасау технологиясын, олардың функционалдық төзімділігін айқындайды