Abstract:
Мақалада Батыс Қазақстан облысының "Қуаныш" ШҚ-да өсірілетін түрлі генотипті 4 және 8 айлық еркек қозылардың тірілей салмақ динамикасының салыстырмалы деректері мен бақылау сойысы көрсеткіштері келтірілген. Бірінші топ ақжайық етті-жүнді саулықтарын солтүстік- кавказдық қошқарларымен шағылыстырудан алынған еркек қозылары, ал екінші топ ақжайық тұқымы аналықтарын куйбышевтық аталықтарымен будандастыру арқылы туылған ұрпақтары болып табылады. Бақылау сойысы кезінде булы ұшаның салмағы бойынша ІІ топтағы 4 айлық жасындағы еркек қозылары І топтағы қатарластарынан 5,3% - ке басым болғаны, ал 8 айлық кезеніңде бұл айырмашылық 4,1% - ті құрағаны анықталды. Сойыс көрсеткіштері бойынша екі топтың еркек қозыларының арасында да кейбір айырмашылықтары бар екеніңдігі анықталды. Осылайша, ІІ топтағы еркек қозылардың 4 айлық жасындағы сойыс шығымы 47,2%, 8 айда – 49,4%, ал І топтағы қатарластарында тиісінше 46,40% және 48,70% құрады. Бұл ретте ІІ топтағы еркек қозылары І топтағы қатарластарынан 4 айлық жасында 0,8% - ке артық болды, ал 8 айдағы айырмашылық 1,4% - ті құрады.
