Abstract:
Бұл мақалада көп тілді меңгерудің адамның кәсіби біліктілігі мен тұлғалық жетілуіне әсері қарастырылады. Мақалада авторлар шетелдік зерттеушілердің жүргізген эксперименттерінің қорытындыларын негізге ала отырып, бірнеше тілді меңгерген белгілі тарихи тұлғалар мен өмірде жоғары табысқа қол жеткізген қазіргі көптілді тұлғалардың үлгісінде көп тілді меңгерудің пайдасын көрсеткен. Авторлар тілдерді меңгеру адамның ақыл-ойын, зейіні мен есте сақтау қабілетін арттырып, кәсіби-тұлғалық және интеллектуалдық дамуына оң әсер етеді деген тұжырым жасайды.
