Abstract:
Бұл мақалада, Шығыс Қазақстан облысының әр түрлі аудандарында ірі қара гиподерматозымен зақымданған 2 жасқа дейінгі және 2 жастан асқан ірі қара малдарының соңғы жылдардағы орташа инвазия экстенсивтілік көрсеткіштері көрсетілген. 2017 жылы бұл көрсеткіш – 44,68% құраса, 2018 жылы – 43,28%, ал 2019 жылы - 34,95% құрады. Аталған аудандарда 2 жастан асқан ірі қара малдары арасында гиподерматоздың таралуының салыстырмалы көрсеткіші келесідей: 2017 жылы – 23,28%, 2018 жылы – 22,12%, ал 2019 жылы – 12,49%. Шығыс Қазақстан облысының әр түрлі аудандарында гиподерматоз қоздырғышының балаңқұрт сатысының даму мерзімдері, әр аймақта әр түрлі болып келеді. Алдыңғы зерттеулерімізге сүйене отырып және 3 жылғы зерттеулерді салыстыра келе, балаңқұрттардың ірі қара малының арқасына жақындауы ақпан-сәуір айларына келетіндігін, балаңқұрттардың жаппай арқаға жақындауы наурыз-мамыр айларына сәйкес келсе, балаңқұрттардың жерге түсуі сәуір-маусым айлары арасында, ал бөгелектердің жаппай ұшуы мамыр-тамыз айларында болатындығын анықталады.
