Abstract:
Бұл мақалада өсімдік және жануар тектес өнімдерде Listeria туысының бактериясының бактериологиялық зерттеу нәтижелері келтірілген. Листериялар табиғатта кеңінен таралған және сыртқы ортаның әсеріне төзімді болып келеді. Бұл бактериялар қатыруды оңай шыдап шығады. Тіпті листериялар тікелей күн сәулесінің әсерінен де, екі апта бойы өмір сүру қабілетін сақтай алады. Кез келген жануарлар мен өсімдік тектес азық-түлік өнімдерінің құрамында келесі бактериялар болуы мүмкін: L.monocytogenes, L. innocua, L. welshimeri, L. grayi, L. seeligeri қалыпты немесе көп мөлшерде. Бұл ағзалар, әдетте, шикі сүтте, жұмсақ ірімшікте, жаңа піскен және мұздатылған етте, жұмыртқада, теңіз өнімдерінде, жеміс және көкөніс өнімдерінде анықталады. Азық-түлік патогенін анықтау үшін өнімдердің биологиялық қауіпсіздігін анықтау кезінде қолданыстағы ұлттық стандарттар бойынша классикалық зерттеу әдістемелерін қолдандық. Зерттеу үшін қырыққабат, сәбіз, картоп және сиыр етінің сынамасы алынды. Микробиологиялық зерттеуді жүргізудің әдістемесі мен схемасы нормативтік-техникалық құжаттаманың талаптарына сәйкес орындалды. Санитарлық-микробиологиялық талдау жүргізу кезінде өсімдік тектес өнімдерде патогенді листерия анықталған жоқ, тек 2 орамжапырақ сынамасы және 1 сиыр етінің сынамасында байқалды. Анықталған бактериялар морфо-культуральдік қасиеттері бойынша листерияларға сәйкес келді
