Мобильді инкубатор арқылы жергілікті балықтарды жасанды көбейту тәжірибесі [Текст]

Abstract

Мақалада жергілікті кәсіптік балықтардың қорының азаюы жсне оған әсер етіп отырған факторлар келтірілген. Кәсіптік балықтарды өсіріп көбейтетін елдерді мысалға келтірілді. Тұйық жүйеелі сумен қамтамасыз ету қондырғысы жағдайында жергілікті тұқы балықтарын өсіру және көбейту бойынша белгілі бір жетістіктерге қол жеткізген университеттің ғалымдары ғылыми-зерттеу жұмыстарын жүргізді. Ғылыми зерттеу жұмыстарын жүргізу үшін жасанды өсіру орыны немесе мобильді инкубатор құрастырылды. Зерттеу Батыс Қазақстан облысының Ақжайық ауданындағы өзеннің ескі арналарында жүргізілді. Судың гидрохимиялық режимі зерттелді. Судың рН, судың лайлылығы, нитрат, нитрит, перманганатты тотығу, аммонилық азот, фосфат, бихроматты тотығу көрсеткіштері алынды. Зерттеудің нысаны сазанның Орал-Каспий тұқымдастары. Балық аулау үшін 70-тен 90 мм-ге дейінгі өлшемді торлар пайдаланылды. Балықтар ауланып, жыныстық ерекшеліктеріне қарай ажыратылып қапастарға отырғызылды. Балықтарды қапастарда ұстағандағы судың температурасы 20-220C аралығында болғанды. Ынталандыру жұмыстары жүргізілген соң 47 дана балықтың жыныс өнімдері пісіп жетілу деңгейі анықталды. Өндіргіштерден жыныс өнімдері алынған соң қолдан ұрықтандырылып, инкубациялау аппараттарына салынды. Эмбриондардың даму деңгейіне талдау жасалынды. Алынған дернәсілдердің бір бөлігі табиғи суқоймаларына, ал қалған бөлігі кері мобильдік инкубаторияға алдағы уақыттағы зерттеулер үшін кері жіберілді.