Abstract:
Бекіретұқымдас балықтардың жыныс өнімдерінің пісіп-жетілуін анықтау үшін бірнеше әдістемелер қолданылады. Солардың ішінен көптеп таралған инвазиялық емес экспресс-әдістемесі ультрадыбыстық зерттеу жүйесі және дәстүрлі биопсия арқылы анықтау. Бұл мақалада бекіретұқымдас балықтардың жыныс өнімдерінің пісіп-жетілуін анықтау бойынша және биопсия әдістемесіне дайындауға дейінгі зерттеу жұмыстары келтірілген. Бұл аталған әдістемені қолданудың артықшылығы болып биологиялық қауіпсіздігі, жылдам және жарақаттамайтындығы. Ультрадыбыстық зерттеу әдісі әсіресе бекіретұқымдас балық түрлерін өсіретін шаруашылықтарда (орыс бекіресі, сібір бекіресі, сүйрік және т.б.) қолданылады. Мақалада бекіретұқымдас балықтарға ультрадыбыстық диагностиканы сәтті жүргізу үшін балық денесінің зерттелетін тиімді орындары келтірілген. Зерттеу жұмыстары кезіндегі датчиктердің солға-оңға жүргізілу және көлденең қисайту жұмыстарының бағыттары мысалға алынып келтірілген. Осы бағытта барлық жыныс өнімдері зерттеуге алынады. Ультрадыбыстық зерттеу эхограммасының суретінде жыныс өнімдерінің жынысқа пісіп-жетілген IV-ші кезеңдегі және жынысқа пісіп жетілмеген II-ші кезеңдері көрсетілген. Сондай-ақ жыныс өнімдерімен бұлшық ет арасындағы майлардың көрінісі де анықталды. Сонымен қатар бонитировка өткізу кезіндегі жұмыс орындарының қолайлы орналасуы келтірілген. Ультрадыбыстық зерттеулер басталғанға дейін жалпыға бірдей әдістемелерге сәйкес барлық құрал-жабдықтар орналастырылып, қосылып және реттелді.
