Сиырлардың буаздығын және бедеулігін ерте анықтау [Текст]

Abstract

Сиырлардың ұрпақ әкелу қабілетінің сақталуы көбею қызметіндегі ең негізгі көрсеткіштерінің бірі болып саналады. Сиырлар мен қашарлардың уақытылы ұрықтануын қамтамасыз ету үшін олардың фертильді жағдайын ветеринарлық тұрғыда қадағалап, сонымен қатар зоогигиеналық талаптар мен азықтану жүйесін, бедеулікті уақытылы анықтау мен акушерлік-гинекологиялық патологиялардың алдын алып, қадағалау қажет. Сиырлардың көбею мүшелерінің ауруларының дамуына мүмкіндік беретін негізгі факторларға келесілер жатады: күтіп-бағудың нашарлауы, азықтандыру, мал шаруашылығы қора-жайларының микроклиматтық параметрлерінің бұзылуы. Көбеюді бақылау үшін бедеуліктің себептерін нақты анықтау және репродуктивті мүшелердің патологиясын ерте анықтау болып табылады. Сиырлардың акушерлік-гинекологиялық аурулары туудан кейінгі жыныс мүшелерінің патологияларының ішіндегі жиі таралғаны болып саналады. Соңғы кездерде диагностикалаудың көптеген әртүрлі әдістері ұсынылып келеді, дегенмен иммуноферментті талдау арқылы патологияны ерте анықтау (19-21 тәулікте) уақытылы аталған патологияда емдік-профилактикалық шараларды жүзеге асыруға мүмкіндік береді. Сиырлардың сүтін иммуноферментті талдау арқылы буаздықты 19-21 тәулікте анықтауға болады. Сүттегі прогестерон мөлшерінің өзгеру динамикасына қарай сиырлар мен қашарлардың репродуктивті мүшелерінің ауруларын да анықтауға мүмкіндік бар. Иммуноферментті талдауымен сиырлардың жыныс мүшелерінің ауруларын ерте анықтауда тиімді әдіс болып саналады.