Abstract:
Бидай ауылшаруашылық дақылдардың арасында жетекші орын алады. Қазақстан Республикасының ауылшаруашылық саласының экспорттық әлеуіеті осы бидай өндірісімен байланысты. Оның басты себебі қазақстанның табиғи климаттық жағдайына байланысты. Қазақстанның батыс аймағының табиғи климаттық ерекшелігі сапалы бидай өнімін өндіруге мүмкіндік береді. Алайда соңғы жылдары қуаңшылық жылдар жиілеп кету салдарынан жаздық бидайды өсіру бұл өңірде біраз қиындықтарға душар болуда. Сондықтан көпшілік шаруашылықтар күздік бидайға көңіл бөлуде. Батыс Қазақстан облысы жағдайында күздік бидайдың Лютесценс 72, Созвездие, Джангаль, Левобережная 3, Карабалыкская 101, Безенчукская, Комсомольская, Калач, Саратовская 90 сорттары шаруашылықтық-биологиялық белгілері бойынша аудандастырылған Жемчужина Поволжья сортымен салыстырмалы зерттелді. Зерттеу ауыл шаруашылығы дақылдары сорттарына қойылатын міндеттердің барлық тараптарын қамтыды. Тәжірибеде сыналған сорттар жоғары нәтиже көрсетті.
