АМАНКЕЛДІ» ШАРУАШЫЛЫҒЫНДА ӨСІРІЛЕТІН ҚАЗАҚТЫҢ БИЯЗЫ ЖҮНДІ ҚОЙЛАРЫНЫҢ ӨСІП - ЖЕТІЛУ КӨРСЕТКІШТЕРІ [Текст]

Abstract

Мақалада Оңтүстік Қазақстан облысы «Амангелді» шаруашылығында қазақтың биязы жүнді қой тұқымының қозыларының өсіп-жетілу көрсеткіштері олардың ата-енелерінің тірілей салмағына тікелей байланысты болғаны дәлелденетін эксперимент нәтижелері берілген. Қой ұрықтандыруға қатыстырылатын қошқарлар тірілей салмағы мен жүн түсімі көрсеткіштеріне қарай 4 топқа бөлініп, І топқа тірілей салмағы бойынша тұқым стандартынан 15-20% артық, ал жүн түсімі бойынша тұқым стандартының деңгейінде, яғни «етті» бағытқа жататын қошқарлар; ІІ топқа тірілей салмағы бойынша тұқым стандартының деңгейінде, ал жүн түсімі бойынша тұқым стандартынан 15-20% артық, яғни «жүнді» бағытқа жататын қошқарлар; ІІІ топқа тірілей салмағы бойынша да, жүн түсімі бойынша да тұқым стандартының деңгейінен 5-10% ғана артық, яғни «етті-жүнді» бағытқа жататын қошқарлар; IV топқа тірілей салмағы бойынша да, жүн түсімі бойынша да тұқым стандартының деңгейіндегі ғана, яғни «қалыпты өнімді» қошқарлар таңдап алынды. Пайдаланған қошқарлардың басқа белгілерінің (мысалы, жүн ұзындығының) көрсеткіштері кем дегенде тұқым стандартының деңгейінде ғана болса – жеткілікті болды. Күйек алу науқаны кезінде осы отардағы күнделікті күйлеген саулықтар 4 топқа бөлініп ұрықтандырылды да осылардан алынған ұрпақтың тиісті көрсеткіштері зерттелді.